26 iyun 2013 13:48
Ansi Aqolli Neftçinin zəif və güclü tərəflərini albanlara açıqladı
“Qarabağ”ın müdafiəçisi Ansi Aqolli Albaniya mətbuatına müsahibə verib. Azerisport.az xəbər verir ki, o, ölkəsinin çempionu “Skenderbeu”nun Çempionlar Liqasının ikinci təsnifat mərhələsində “Neftçi” ilə rəqib olmasından danışıb.
- Siz “Neftçi”ni yaxşı tanıyırsız. Sizcə, bu komanda “Skenderbeu” üçün keçiləsi rəqibdi?
- “Neftçi” ardıcıl üç mövsümdü Azərbaycan Premyer Liqasının qızıl medallarını qazanır. Bu, həqiqətən çox güclü komandadı. Onlar avrokuboklarda da oynaya bildiklərini sübut ediblər. Ötən il bu koanda Avroliqanın qrup mərhələsində çıxış etdi. Amma “Skenderbeu” Bakıda müsbət nəticə qazana bilsə, o zaman komandamızın növbəti mərhələyə adlamaq şansı xeyli yaxşılaşacaq.
- Bakı klubunun nə kimi güclü tərəfləri var?
- Onların güclü cəhəti yaxşı yarımmüdafiə və hücum xəttinə malik olmalarıdı. “Neftçi”də böyük təhlükəyə malik futbolçular var. Hücum xəttində yaxşı oyunçulara malikdi. Düzdü, komandanın son mövsümdəki bombardiri Nikolas Kanales “Neftçi”dən ayrılıb. Amma braziliyalı hücumçu hələ də qalır (güman ki, Flavinyonu nəzərdə tutur – azerisport.az). O, çox səviyyəli futbolçudu.
- Onların güclü cəhəti yaxşı yarımmüdafiə və hücum xəttinə malik olmalarıdı. “Neftçi”də böyük təhlükəyə malik futbolçular var. Hücum xəttində yaxşı oyunçulara malikdi. Düzdü, komandanın son mövsümdəki bombardiri Nikolas Kanales “Neftçi”dən ayrılıb. Amma braziliyalı hücumçu hələ də qalır (güman ki, Flavinyonu nəzərdə tutur – azerisport.az). O, çox səviyyəli futbolçudu.
- Bəs zəif cəhətləri?
- Müdafiədə problemləri var. Bu mövqe ilə bağlı “Neftçi”də son mövsümdə də qeyri-sabitlik diqqət çəkirdi.
- Müdafiədə problemləri var. Bu mövqe ilə bağlı “Neftçi”də son mövsümdə də qeyri-sabitlik diqqət çəkirdi.
- “Skenderbeu”nun futbolçuları hansı azərbaycanlı oyunçulardan daha çox çəkinməlidilər?
- “Neftçi”nin heyətində azərbaycanlı futbolçular da aparıcı rol oynayırlar. Onlar ölkənin yığma komandasında da çıxış edirlər. Legionerləri isə daha səviyyəlidilər. Bu üzdən də fikrimcə, “Skenderbeu”nun oyunçuları Flavinyo ilə Julius Vobayı daha çox diqqətdə saxlamalıdılar. Yerli futbolçulardan isə Araz Abdullayevlə Rəşad Sadiqovu qeyd edərdim.
- Azərbaycanlı jurnalistlər “Skenderbeu” haqda nəsə öyrənmək üçün sizinlə əlaqə saxlayıblar?
- Bəli. Püşkatmadan sonra çoxlu jurnalist mənə zəng edib.
- Bəs siz onlara nə dediniz?
- Dedim ki, güclü olana azarkeşlik edəcəm (gülür).
- Dedim ki, güclü olana azarkeşlik edəcəm (gülür).
