27 iyun 2013 15:43
Toşakdan tələb: Zədələrdən qorunun!
Almaniyada yay təlim-məşq toplanışını davam etdirən “Xəzər Lənkəran” bu günə səhər və axşam olmaqla iki məşq prosesi planlaşdırıb. Azerisport.az xəbər verir ki, səhər məşqində futbolçuları fiziki çalışmalardan azad edən Con Toşak əsasən taktiki hazırlıq planına uyğun tapşırıqlarını verib.
Saat yarım sürən məşqin sonunda təcrübəli çalışdırıcı futbolçulardan bu oyunda maksimum diqqətli olmağı tələb edib: “Sabah çox güclü rəqiblə qarşılaşırıq. Sizdən bu oyuna məsuliyyətlə yanaşmanızı və maksimum zədələnmədən qorunmanızı istəyirəm”.
Xatırladaq ki, sabah “Xəzər Lənkəran” Bakı vaxtı ilə saat 21:00-da məskunlaşdığı “Marc Aurel” otelinin futbol meydançasında Almaniyanın “İnqolştad” klubu ilə yoxlama oyunu keçirəcək.
