27 iyun 2013 17:14
Rəvan beşinci transferini rəsmiləşdirdi (FOTO)
Yeni mövsümə hazırlığını davam etdirən “Rəvan” heyətini gücləndirməyi də unutmur. Azerisport.az klubun rəsmi saytına istinadən xəbər verir ki, “sarı-qırmızılılar” bu gün yay transfer pəncərəsində 5-ci keçidini rəsmiləşdirib.
Belə ki, “Rəvan” Novruz Məmmədovu heyətinə qatıb. Martda 23 yaşı tamam olan müdafiəçi ilə 2 illik müqavilə imzalanıb.
Qeyd edək ki, Novruz 2008-2011-ci illərdə “Rəvan”da çıxış edən 23 yaşlı müdafiəçi 2011/12 mövsümündə “Bakı”da 23 oyuna çıxdığı halda son mövsümdə cəmi 4 dəfə oynayıb. Məmmədov U-21-də 12 oyun keçirib.
“Rəvan” bundan əvvəl Elvin Həsənəliyev, Fuad Əhmədov, Ceyhun Cavadov və Bəxtiyar Soltanovu heyətə qatmışdı.
