28 iyun 2013 12:53
Anjinin futbolçusu: İnter çox sərt, hətta bəzən kobud oynayırdı
Rusiyanın “Anji” klubunun müdafiəçisi Əli Hacıbəyov Azərbacyan “İnter”inə qarşı keçirdikləri yoxlama oyunundan danışıb. Azerisport.az xəbər verir ki, o, 1:0 hesabıyla qalib gəldikləri görüşdən sonra klub saytına açıqlamasında bunları söyləyib:
“Yaxşı oynadıq, qələbə qazandıq. Uşaqların hamısı var güclərini qoydular. Çətin oyun oldu. Çünki bütün rəqiblər “Anji”yə qarşı tam gücləri ilə mübarizə aparırlar. Elə bu oyunda da elə oldu. Rəqib çox sərt, hətta bəzən kobud oynayırdı. Amma biz bütün bunları bilirdik və buna hazır idik. Hədəfimiz çempionata yaxşı hazırlaşmaqdı”.
“Yaxşı oynadıq, qələbə qazandıq. Uşaqların hamısı var güclərini qoydular. Çətin oyun oldu. Çünki bütün rəqiblər “Anji”yə qarşı tam gücləri ilə mübarizə aparırlar. Elə bu oyunda da elə oldu. Rəqib çox sərt, hətta bəzən kobud oynayırdı. Amma biz bütün bunları bilirdik və buna hazır idik. Hədəfimiz çempionata yaxşı hazırlaşmaqdı”.
Oyundan öncə Hacıbəyov “İnter”in müdafiəçisi Arif Daşdəmirovla görüşüb, onunla söhbətləşib. “Anji”nin saytı bu məqamı da diqqətdən kənarda saxlamayıb: “Biz çox yaxşı tanışıq. Uşaq futbol məktəbində bir yerdə böyümüşük. Oyun öncəsi bir az söhbət etdik. Düzdü, bizə bir komandada oynamaq qismət olmadı. Heç bu oyunda da bir-birimizə qarşı oynaya bilmədik. Elə alındı ki, o, birinci, mən ikinci hissədə oynadım”.
