29 iyun 2013 19:55
Qəbələ Subotiçlə danışıqlar aparır
“Qəbələ”nin Ukraynanın “Volın” klubunda çıxış edən Daniel Subotiçlə danışıqlar aparır. Azerisport.az xəbər verir ki, artıq tərəflər arasında ilkin anlaşma əldə olunduğu bildirilir.
Müqavilənin bəzi kiçik detallarının razılaşdırılması qalıb. “Qəbələ” transferi yaxın günlərdə açıqlaya bilər.
Qeyd edək ki, 24 yaşlı forvard 1989-cu ildə Zaqrebdə doğulub. Subotiç həm Xorvatiya, həm də İsveçrə vətəndaşlığı daşıyır. “Basel”in yetirməsi olan Daniel 2012/13 mövsümündə “Volın”da 23 oyun keçirib və 4 qol vurub. O, karyerası ərzində İngiltərənin “Portsmut” (əvəzedici komanda), Belçikanın “Sulte Waregem”, İtaliyanın “Qrosseto”, Rumıniyanın “Universitatea” və “Tarqu Mureş” klublarında, həmçinin İsveçrənin U-19 yığmasında çıxış edib.
