30 iyun 2013 00:01
Toşak Lənkəranın istisindən qorxur
“Xəzər Lənkəran”ın baş məşqçisi Con Toşak Avropa Liqasının ilk təsnifat mərhələsi çərçivəsində Maltanın “Sliema” klubuna qarşı keçirəcəkləri səfər oyunundan sonra yenidən Almaniyaya qayıtmaq istəyir. Lakin azerisport.az xəbər verir ki, uelsli mütəxəssisin bu istəyi baş tutmayacaq.
Çünki artıq cənubluların Almaniyada təlim-məşq toplanışında olduğu məkanda yer yoxdu. Bu üzdən də komanda “Sliema” ilə görüşdən sonra Maltada qalmalı olacaq.
Əslində, “ağ-yaşıllar” bu görüşdən sonra dərhal Lənkərana dönüb cavab matçına doğma meydanda da hazırlaşa bilərdilər. Amma Toşak bununla razı deyil. O, əvvəla komandasını Maltada bir yoxlama görüşündə də sınamaq istəyir. Digər tərəfdən isə uelsli çalışdırıcı Lənkərandakı istinin komandanı normal hazırlamasına mane olacağı qənaətindədi.
