30 iyun 2013 00:25
Toşak Maltada jurnalistlərin suallarını cavablandıracaq
İyun ayının 20-dən etibarən Almaniyanın Bad Göqqinq qəsəbəsində yay təlim-məşq toplanışına start verən “Xəzər Lənkəran” hazırlığını səhər məşqi ilə tamamlayıb. Azerisport.az xəbər verir ki, komanda gecə saatlarında Almaniyanı tərk edərək UEFA Avropa Liqasının birinci təsnifat mərhələsinin “Slima” - “Xəzər Lənkəran” matçı ilə əlaqədar Bakı vaxtı ilə 8:50-də Münhen-Luqa aviareysi ilə Maltaya yola düşəcək.
Luqa hava limanında 12:10-da (yerli vaxtla 8:10) olacaq “Xəzər Lənkəran” buradan yerləşəcəyi “The Palace Malta” otelinə gedərək istirahətə çəkiləcək.
İyul ayının 1-də, matçın keçiriləcəyi saatda, yerli vaxtla saat 18:45-də “Xəzər Lənkəran” oyun öncəsi son məşqinə çıxacaq. Məşqdən yarım saat öncə isə baş məşqçi Con Bencamin Toşakın KİV nümayəndələri üçün mətbuat konfransı planlaşdırılır.
