30 iyun 2013 15:20
Nforun Neftçiyə keçidində problem yarandı
Azərbaycan çempionu “Neftçi” kamerunlu hücumçu Ernest Nforla da müqavilə bağlamağa hazırlaşır. Azerisport.az xəbər verir ki, paytaxt klubunun məşqçilər korpusu bu forvardın Rusiya “Volqa”sı ilə matçda sərgilədiyi oyunun bəyəniblər.
Lakin Nforun “Neftçi”yə keçməsində bir problem var. Bunu klubun vitse-prezidenti Tahir Süleymanov saytımıza açıqlamasında bildirib:
“Nfor “Volqa” ilə görüşdə yaxşı oynadı. Məşqçilər korpusu da onu komandaya götürməkdə maraqlıdılar. Nfor özü də “Neftçi”də oynamaq istəyir. Amma onun klubu ilə bağlı problem var. Buna görə o, komandamızın düşərgəsini tərk edib, Belçikaya yollandı. Səfərdə məqsəd onun klubu ilə problemini yoluna qoymaqdı. Əgər o, öz klubu ilə razılığa gələ bilsə, Nforla müqavilə bağlayacağıq”.
“Nfor “Volqa” ilə görüşdə yaxşı oynadı. Məşqçilər korpusu da onu komandaya götürməkdə maraqlıdılar. Nfor özü də “Neftçi”də oynamaq istəyir. Amma onun klubu ilə bağlı problem var. Buna görə o, komandamızın düşərgəsini tərk edib, Belçikaya yollandı. Səfərdə məqsəd onun klubu ilə problemini yoluna qoymaqdı. Əgər o, öz klubu ilə razılığa gələ bilsə, Nforla müqavilə bağlayacağıq”.
Qeyd edək ki, Nfor Belçikanın “Kortrijk” klubuna məxsusdu. O, karyerası ərzində “Sable”, “Gent”, “Deinze”, “Zulte Waregem” klublarında da top qovub.
Maraq üçün bildirək ki, “Neftçi” hələlik Karlos Kardoso və Melvin Platyeni heyətinə qata bilib.
