2 iyul 2013 22:55
Yığmamız DÇ-nin startında Malini dörd cavabsız qolla darmadağın etdi (YENİLƏNİB)
Bu gün Bakıda hərbiçilər arasında dünya çempionatına start verilib. Azerisport.az xəbər verir ki, 16 komandanın iştirakı ilə keçiriləcək turnir 13 gün davam edəcək.
Turnirin açılış günündə cəmi bir görüş baş tutub. Mundialın təşkilatçısı kimi, Azərbaycan millisi açılış matçında Mali yığması ilə qarşılaşıb. Görüş Nazim Süleymanovun yetirmələrinin möhtəşəm qələbəsi ilə başa çatıb.
Qeyd edək ki, yığmamızın qrupunda İraq və Kanada seçmələri də yer alır.
Hərbçilər arasında dünya çempionatı
2 iyul
A qrupu
Azərbaycan - Mali - 4:0 (2:0)
Qol: E.Məmmədov, 18 (1:0), C.Hüseynov, 34 (2:0), R.Qurbanov, 57 (3:0), E.Abdulov, 90+1 (4:0)
Bakı. Dalğa Arena.
Yığmamızın heyəti: Aqil Məmmədov, Nodar Məmmədov, Şəhriyar Əliyev, Novruz Məmmədov, Elşad Manafov, Hüseyn Axundov, Tərlan Xəlilov, Rəhman Hacıyev (E.Abdulov, 67), Cavid Hüseynov, Elvin Məmmədov (Eşqin Quliyev, 60), Bəxtiyar Soltanov (Ruslan Qurbanov, 46).
