2 iyul 2013 22:51
Mübariz Mənsimov: Xəzər Lənkəran həm Avroliqanın qrup mərhələsinə çıxmalı, həm də çempion olmalıdı
“Xəzər Lənkəran”ın fəxri prezidenti mübariz Mənsimov Avropa Liqasının birinci təsnifat mərhələsi çərçivəsində Maltanın “Sliema” klubu ilə oyunu izləmək üçün gəldiyi Taqalidə azerisport.az saytına bəzi açıqlamalar verib. O, fasilə zamanı verdiyi açıqlamada ilk hissə ilə bağlı bunları dilə gətirib:
“Oyuna yalnız 90 dəqiqədən sonra qiymət vermək olar. Amma Malta klubu çox zəifdi. Əgər onu da keçə bilmiriksə... Bu komanda üzərində ancaq qələbə gözləyirəm. Onları mütləq keçməliyik”.
“Oyuna yalnız 90 dəqiqədən sonra qiymət vermək olar. Amma Malta klubu çox zəifdi. Əgər onu da keçə bilmiriksə... Bu komanda üzərində ancaq qələbə gözləyirəm. Onları mütləq keçməliyik”.
Cənub klubunun sahibi komandadan gözləntilərini də dilə gətirib: “Biz daha çox Avroliqanın ikinci təsnifat mərhələsinin oyunlarına hazırlaşmalıyıq. Mənə elə gəlir ki, “Xəzər Lənkəran” nəinki iki mərhələ keçməli, hətta qrup mərhələsinə vəsiqə qazanmalıdı”.
Mənsimov komandasının Premyer Liqanın yeni mövsümdə də uğur qazanacağına inanır: “Mən komandadan ancaq çempionluq istəyirəm. Başqa heç nə. Növbəti mövsüm bizim üçün yubiley olacaq. Ona görə də hədəfimiz mövsümü birinci yerdə başa vurmaq olacaq”.
