2 iyul 2013 11:39
Xəzər Lənkəran Sliema ilə oyuna hazırdı (FOTOREPORTAJ)
Bu gün keçiriləcək “Sliema” – “Xəzər Lənkəran” oyunundan öncə cənub təmsilçisi matçın keçiriləcəyi arenada son məşqinə çıxıb. Azerisport.az xəbər verir ki, süni örtüklü arenanın durumundan narazı qalan “Xəzər Lənkəran” rəhbərliyi öz etirazını yerindəcə matça təyin olunmuş ispaniyalı UEFA nümayəndəsinə bildirdi.
Elə baş məşqçi Con Bencamin Toşak da qazonun durumu ilə bağlı etirazını UEFA nümayəndəsinə çatdıraraq belə bir arenada UEFA Avropa Liqasının matçının keçirilməsinə təəssüfləndiyini bildirdi. Bir saat davam edən məşqdə futbolçular taktiki planda müxtəlif çalışmaları yerinə yetirdikdən sonra ev tapşırıqları ilə məşqi tamamladılar. Hazırda komandada yalnız Zoahir Benouahinin yüngül zədəsi var. Bununla belə mərakeşli futbolçu bütün məşqlərdə komanda ilə birgə hazırlıqlara qatılır. (klub saytı)
