Xəzər Lənkəranla Qarabağ Azərbaycanı UEFA reytinqində irəli saldı

Avropa Liqasının birinci təsnifat mərhələsinin ötən gün baş tutan oyunları Azərbaycanı UEFA reytinqində irəli salıb. Azerisport.az xəbər verir ki, ölkəmiz bu siyahıda bir pillə irəliləyib.

Qeyd edək ki, ötən gün Azərbaycanın avrokuboklardakı təmsilçilərindən ikisi – “Qarabağ”la “Xəzər Lənkəran” ilk oyununu keçirdi. Belə ki, ağdamlılar Makedoniyanın “Metallurg”, lənkəranlılar isə Maltanın “Sliema” klubunun qonağı oldular. Ağdam təmsilçisi rəqibini 1:0 hesabıyla məğlub etdiyi halda, Lənkəran klubu 1:1 hesablı heç-heçəyə razılaşdı.

 

Klublarımızın yeni avrokuboklar mövsümünə uğurlu startı ölkəmizin reytinqinə də təsirsiz ötüşmədi. Belə ki, “Qarabağ”la “Xəzər Lənkəran” ümumi hesaba 0.375 xal yazdırmış oldu. Nəticədə bu qələbə və heç-heçədən sonra Azərbaycanın xal ehtiyatı daha da yaxşılaşdı.

 

Beləliklə, hazırda Azərbaycan UEFA reytinqində 53 ölkə arasında 31-ci pilləyə qalxıb. Ölkəmiz bu dəfə Gürcüstanı qabaqlayıb. İndi Azərbaycanın hesabında 8.250 reytinq xalı var ki, onun da 0.375 xalı cari mövsümdə qazanılıb. Bundan 0.250  xal “Qarabağ”ın, 0.125 xal isə “Xəzər Lənkəran”ın payına düşür.

 

Onu da əlavə edək ki, klublarımızın təsnifat mərhələsindəki istənilən qələbəsi Azərbaycana 0.250 reytinq xalı qazandırır. Heç-heçə isə sadəcə 0.125 xal verir. Qrup mərhələsində isə heç-heçə 0.250, qələbə 0.500 xal verir.

 

Sonda reytinq cədvəlinin son variantını təqdim edirik: