2 iyul 2013 15:37
Platye rəsmən Neftçidə!
Azərbaycan çempionu “Neftçi” Melvin Platyenin transferini rəsmiləşdirib. Azerisport.az xəbər verir ki, klubun düşərgəsinə gələn holland futbolçu tibbi müayinədən uğurla keçib.
Artıq onunla rəsmi müqavilə də imzalanıb. Melvin qarşıdakı iki ildə “Neftçi”nin uğurları üçün çalışacaq.
Qeyd edək ki, Melvin Platyenin 24 yaşı var. Futbolun sirrlərini “Omnivorld”, “Huizen” və “Volendam”da öyrənən forvard 2007-2011-ci illərdə sonuncu klubun əsas heyətində çıxış edib və 104 oyunda 48 qol vurub. 2011-ci ildə “Nijmegen”ə transfer olunan Melvin 63 oyunda 13 qola imza atıb.
Hollandiya mətbuatının iddiasına görə, Melvinin transferi “Neftçi”yə 200 min avroya başa gəlib.
Qeyd edək ki, “Neftçi” bundan əvvəl Braziliyanın “Vitoria” klubundan Karlos Kardosonu və Litva “Metallurg”undan (Liepaya) Pavel Doroşevi heyətinə qatmışdı.
