3 iyul 2013 20:29
Maksim Medvedev: Qurban Qurbanov bizi oyuna yaxşı kökləməsəydi...
“Qarabağ”ın müdafiəçisi Maksim Medvedevin azerisport.az saytına müsahibəsi
- Makedoniya “Metallurg”u ilə oyundan sonra az qala hamınız istidən şikayətləndirdiniz. Necə olur ki, Azərbaycandan olan komanda günəş şüaları altında oynamağa çətinlik çəkir?
- Biz belə iqlim şəraitində birdən-birə düşdük. Biz Türkiyədə hazırlıq keçdiyimiz zaman daha mülayim hava var idi. Skopyeyə isə az qala elə oyun günü gəldik və birdən-birə belə hava şəraiti ilə üzləşdik. Yolçuluq da bizi əldən salmışdı. Amma hamımız bununla barışmışdıq.
- Biz belə iqlim şəraitində birdən-birə düşdük. Biz Türkiyədə hazırlıq keçdiyimiz zaman daha mülayim hava var idi. Skopyeyə isə az qala elə oyun günü gəldik və birdən-birə belə hava şəraiti ilə üzləşdik. Yolçuluq da bizi əldən salmışdı. Amma hamımız bununla barışmışdıq.
- Uğursuzluq olsaydı, kifayət qədər bəhanəniz var idi...
- (gülür) Uğursuzluq olsaydı, bunların səbəb göstərilməsinin mənası yox idi. Biz rəqibi çox yaxşı analiz etmişdik. Hələ rəqibi bu qədər incəliklə öyrəndiyimiz oyun xatırlamıram. Düzdü, qələbə qazandıq. Amma heç də bütün bacarığımızı nümayiş etdirə bilmədik.
- Bəlkə, siz rəqibin gücünü daha çox şişirtdiyiniz üçün belə oldu?
- Bununla razı deyiləm. Əgər Qurban Qurbanov bizi bu oyuna yaxşı kökləməsəydi, bəlkə uduza da bilərdik. Onun sözləri bizim üçün çox yaxşı motivasiya oldu.
- Bununla razı deyiləm. Əgər Qurban Qurbanov bizi bu oyuna yaxşı kökləməsəydi, bəlkə uduza da bilərdik. Onun sözləri bizim üçün çox yaxşı motivasiya oldu.
- Nə deyib ki, belə?
- (gülümsəyir) Qoy bu, bizim ailə sirrimiz olaraq qalsın.
- Daha çox vətənpərvərliyi qabardırdı?
- Bu barədə də danışmışdı, bizim nəyə qadir olduğumuzu da anlatmışdı. Bundan artığını demək istəmirəm.
- Bu barədə də danışmışdı, bizim nəyə qadir olduğumuzu da anlatmışdı. Bundan artığını demək istəmirəm.
- Səfərdə qol buraxmadan qalib gəlsəz də, demək olar ki, heç biriniz məsələnin böyük ölçüdə həll olunduğunu demirsiz...
- Mən də onları dəstəkləyirəm. Bu oyun bir daha göstərdi ki, cavab görüşündə də işimiz asan olmayacaq. Yaradılan qol vəziyyətlərinə görə onlar bizdən daha üstün idilər. Həm də biz hələ 90 dəqiqə rəqib üzərində oyunumuzu diqtə edəcək dərəcədə hazır deyilik.
- Hesab etmirsiz ki, Reynaldo ilk oyunda ikinci qolu da vursaydı, bu, sizi cavab oyununda arxayınlaşdıra bilərdi?
- İstənilən halda 2:0 hesabıyla qalib gəlmək daha yaxşıdı, nəinki 1:0. Onda daha böyük üstünlük əldə etmiş olardıq. Çünki onda rəqib bütün qüvvəsiylə hücuma atılacaqdı. Biz isə əks-hücumlarda yenə qollar vura bilərdik. İndi isə Bakıda mümkün qədər ağıllı oynamağa çalışmalıyıq.
- İstənilən halda 2:0 hesabıyla qalib gəlmək daha yaxşıdı, nəinki 1:0. Onda daha böyük üstünlük əldə etmiş olardıq. Çünki onda rəqib bütün qüvvəsiylə hücuma atılacaqdı. Biz isə əks-hücumlarda yenə qollar vura bilərdik. İndi isə Bakıda mümkün qədər ağıllı oynamağa çalışmalıyıq.
- “Xəzər Lənkəran” “Metallurg”dan da zəif Malta klubu üzərində qələbəni əldən verdi və heç-heçə ilə kifayətləndi. “Qarabağ” bu mövsüm də Azərbaycanın ən uğurlu komandası ola biləcək?
- Digər komandaların nəticələrini şərh etmək istəmirəm. Mən heç Malta klubu barədə məlumatlı da deyiləm ki, bu nəticənin nə dərəcədə pis olması barədə danışam. Bizim öz yolumuz var, onların öz. Bütün klublarımıza uğurlar arzulayıram.
- Digər komandaların nəticələrini şərh etmək istəmirəm. Mən heç Malta klubu barədə məlumatlı da deyiləm ki, bu nəticənin nə dərəcədə pis olması barədə danışam. Bizim öz yolumuz var, onların öz. Bütün klublarımıza uğurlar arzulayıram.
