4 iyul 2013 11:36
Simurqda çexiyalı futbolçu (FOTO)
Xəbər verdiyimiz kimi, “Simurq” ötən gün Gürcüstanın “Dila” klubu ilə yoxlama oyunu keçirdi. Azerisport.az xəbər verir ki, 3:3 hesabıyla başa çatan görüşdə Zaqatala təmsilçisinin qollarından ikisini Lukaş Bayer vurdu.
Bəs görəsən, Georgi Çixradzenin sınadığı bu yeni futbolçu kimdi? Çexiyalı futbolçu 1984-cü ildə anadan olub. O, peşəkar karyerasında yerli “Atlantic Slovan Pardubice” klubunda başlayıb və ilk mövümündə bu komandada 26 oyuna çıxıb. 2005-ci ildə “Znojmo”ya transfer olsa da, burdakı karyerası o qədər də uğurlu alınmayıb. 2006-cı ildə keçdiyi “Hanacka Slavia”da 13 oyun keçirən futbolçu 2006–2007 mövsümündə “Dosta Bystrc” klubuna transfer olunub (26 oyun, 2 qol). 2007-ci ildən 2012-ci ilədək “Sigma”da top qovan Bayer burda 96 oyuna 5 qolla yadda qalıb. Lakin 2008-ci ildə o, Hollandiyanın “Heracles Almelo” klubuna da transfer olunub və burda 11 oyuna çıxıb. 2012-ci ildə keçdiyi Qazaxıstan “Aktobe”sində 24 oyuna 5 qol vuran Lukas 2013-cü ildə “Viktoria”ya keçsə də, burda cəmi iki oyun keçirib (1 qol).
Qeyd edək ki, Bayer yarımmüdafiə mövqeyində çıxış edir. O, hələlik Zaqatala klubunda sınaqdadı. Lukaşın komandada qalıb-qalmayacağına məşqçilər korpusu yaxın günlərdə qərar verməlidilər.
