4 iyul 2013 11:54
Denizlispor Rail Məlikovdan təzminat tələb edir
Türkiyənin PTT Birinci Liqasında mübarizə aparan “Denizlispor” klubu ötən gün yeni mövsümün hazırlıqlarına start verib. Azerisport.az xəbər verir ki, hazırlıq prosesində yalnız bir futbolçumuz - Arif İsayev iştirak edir.
Rail Məlikov isə gözlənildiyi kimi, toplanışa qatılmayıb. “Qəbələ” ilə razılığa gəldiyi üçün Türkiyə klubundan imtina edən Rail indi bu transferin tam rəsmiləşməsini gözləyir. Amma “Denizlispor” onu xoşluqla buraxmaq fikrində deyil. Məsələ burasındadı ki, Dənizli klubu futbolçudan bu transfer üçün təzminat istəyir. Bu barədə Türkiyə mətbuatı məlumat yayıb. Lakin təzminatın məbləği açıqlanmır.
Xatırladaq ki, futbolçu ötən ilin avqust ayında Türkiyə klubu ilə 1+1 illik müqavilə imzalamışdı.
Qeyd edək ki, “Denizlispor”da ötən mövsüm forma geyən yalnız dörd futbolçu qalıb ki, onlardan biri də Arif İsayevdi.
