5 iyul 2013 00:01
Baçana Sxadadze: Erkən qol vurmağımız xeyrimizə olmadı
“İnter”in forvardı Baçana Sxadadze Avropa Liqasının birinci təsnifat mərhələsi çərçivəsində Finlandiyanın “Mariehamn” klubuna qarşı keçirilmiş ilk oyundan sonra fikirlərini açıqlayıb. Azerisport.az saytına müsahibəsində o, 1:1 hesablı heç-heçə ilə bağlı bunları dilə gətirib:
“Mümkündü ki, erkən qol bizə mənfi təsir göstərdi. Ondan sonra biz bir qədər “bağlandıq”. Bəlkə o da təsirini göstərdi ki, biz toplanışdan sonrakı ilk oyunumuza çıxmışdıq. Yeni futbolçular hələ komandaya tam uyğunlaşa bilməyiblər. Fikrimcə, Finlandiyadakı cavab matçında biz istəyimizə nail olacağıq və mərhələ keçəcəyik”.
