5 iyul 2013 18:05
Georgi Nikolov: Bu futbol “qonaqpərvərliyi" məni artıq bezdirib
“İnter”in prezidenti Georgi Nikolov komandasının Avropa Liqasının birinci təsnifat mərhələsi çərçivəsində Finlandiya “Mariehamn”ı ilə ev oyununda qələbə qazana bilməməsinə münasibətini açıqlayıb. Azerisport.az xəbər verir ki, bolqarıstanlı iş adamı ənənəvi olaraq klubun rəsmi saytında buna xüsusi yazı həsr edib:
“Oyundan sonra fin klubunun prezidenti “ürəkdən qonaqpərvərlik etdiyiniz üçün çox sağ olun” dedi və o, bunda tamamilə haqlı idi.
“Oyundan sonra fin klubunun prezidenti “ürəkdən qonaqpərvərlik etdiyiniz üçün çox sağ olun” dedi və o, bunda tamamilə haqlı idi.
Çünki “İnter”in bütün işçiləri çalışdılar ki, onların bu səfəri unudulmaz xatirələrlə yadda qalsın. Həmişə belə olmuşdu – serblər, slovaklar, polyaklar, yunanlar da burdan könül xoşluğu ilə ayrılmışdılar.
Elə futbolçularımız da etika qaydalarını qətiyyən korlamadılar – qələbə qazanmaq əvəzinə finləri heç-heçəyə qonaq etdilər.
İndi bizi “qorxaq futbol” oynamaqda ittiham edənlərin buna haqqı yoxdu. Buna sadəcə “nəzakətli futbol” demək olar. Sən onlarla qol vəziyyəti yaradırsan, qol vurmursan, amma rəqibə cəmi bir qol vəziyyəti yaradıb fərqlənməsinə imkan verirsən... Əslində, biz “İnter”lilər hamımız uzaqgörən insanlarıq və marketinq baxımından intriqanı son fitə qədər saxlayırıq.
Bir qədər ciddi olsaq, bu futbol “qonaqpərvərliyi" məni artıq bezdirib. Qoy düşmənlərimiz sevinsinlər.
Aydın məsələdi ki, keçmişi geri qaytarmaq olmur. Amma parlaq gələcəyə nail olmaq üçün biz Finlandiyada özümüzü qaşqabaqlı və nəzakətsiz aparmalıyıq”.
