Nazim Süleymanov: Kanada ilə oyunda qalib gəlib, 1/4 finala çıxmaq istəyirik

Hərbçilərdən ibarət Azərbaycan yığmasının baş məşqçisi Nazim Süleymanov bu gün Bakıdakı dünya çempionatı çərçivəsində Kanadaya qarşı keçirəcəkləri oyun öncəsi fikirlərini açıqlayıb. Azerisport.az saytına müsahibəsində o, bunları söyləyib:

“İlk turda Kanada İraqa 0:7 hesabıyla uduzdu. Amma bu hesab bizi aldatmamalıdı. Çünki həmin oyunun birinci hissəsində çox maraqlı mübarizə getdi. İraq cəmi bir qol vurduğu halda, Kanada çox yaxşı müqavimət göstərdi. Təbii ki, iraq yığması çox güclüdü. Kanada isə onlarla müqayisədə bir qədər zəifdi. Lakin əminəm ki, onlar bu gün bizə ciddi müqavimət göstərəcəklər. Bu görüş bizim üçün çox vacibdi. Çünki digər oyunda İraq da qələbə qazansa, bu nəticələr Azərbaycanı 1/4 finala çıxaracaq. Ümid edirəm ki, futbolçularımız qələbə qazanmaq üçün əllərindən gələni edəcəklər”.