5 iyul 2013 22:55
Azərbaycan DÇ-nin 1/4 finalında! (YENİLƏNİB)
Bakıda təşkil olunmuş hərbiçilər arasında dünya çempionatı davam edir. Azerisport.az xəbər verir ki, 16 komandanın iştirakı ilə keçirilən turnir çərçivəsində bu gün daha dörd görüş baş tutub.
Yığmamızın da yer aldığı A qrupunda Mali İraqla qarşılaşıb. İraq növbəti darmadağına imza ataraq, 1/4 finala yüksəlib. Yığmamız isə Kanada ilə münasibətlərinə aydınlıq gətirib. Millimiz də qələbə qazanıb və adını vaxtından öncə növbəti mərhələyə yazdırmağı bacarıb.
Xatırladaq ki, millimiz turnirin açılış matçında Malini darmadağın (4:0) etdiyi halda, Kanada da İraqa 0:7 hesabıyla uduzmuşdu.
B qrupunda isə Fransa Bəhreynlə sülh bağlayıb, Keniya da Əlcəzairə uduzub.
Hərbçilər arasında dünya çempionatı
5 iyul
A qrupu
İraq – Mali - 4:0
Dalğa Arena.
Azərbaycan – Kanada - 2:0
Qollar: Məmmədov, 56, Əliyev, 75.
Bayıl Arena.
Yığmamızın heyəti: Aqil Məmmədov, Şəhriyar Əliyev, Azad Kərimov, Novruz Məmmədov, Hüseyn Axundov, Cavid Hüseynov, Eşqin Quliyev, Tofiq Mikayılov (Ruslan Qurbanov, 46), Elvin Məmmədov, Bəxtiyar Soltanov (Ramazan Abbasov, 46), Elnur Abdulov (Rəhman Hacıyev, 64).
B qrupu
Fransa - Bəhreyn - 0:0
“Şəfa” stadionu.
Əlcəzair – Keniya - 3:1
Zirə OİK.
