5 iyul 2013 17:15
UEFA Skenderbeunu öz stadionundan məhrum edə bilər
UEFA Albaniyanın “Skenderbeu” klubunu avrokubok oyunlarını doğma stadionunda keçirməkdən məhrum edə bilər. Azerisport.az xəbər verir ki, buna səbəb UEFA-nın sözügedən arenanın hazırkı durumundan kəskin narazı qalması səbəb göstərilir.
Məsələ burasındadı ki, ötən gün Albaniyanın “Laçi” klubu həmin arenada Avropa Liqasında ev oyununa çıxıb. Lakin maraqlıdı ki, bu oyun zamanı arenanın C, D və E sektorları bağlı olub. Halbuki, həmin sektorlara azarkeşlər üçün bilet satılıbmış. Təşkilatçılar bunu belə izah ediblər ki, oturacaqların durumu qaydasında olmadığından, bu, təhlükəsizliklə bağlı problemlərə yol aça bilər.
Artıq UEFA sözügedən arenada qitə miqyaslı oyunların keçirilməsini qadağan etmək məsələsinə baxır. Mümkündü ki, “Skenderbeu” da ev oyunlarını Albaniyanın paytaxtı Tiranadakı stadionda keçirsin.
Qeyd edək ki, “Skenderbeu” Çempionlar Liqasının ikinci təsnifat mərhələsi çərçivəsində Azərbaycan çempionu “Neftçi”nin rəqibidi.
