7 iyul 2013 00:14
Adrian Skarlatake: Biz qolu Sliemaya hədiyyə etdik
“Xəzər Lənkəran”ın müdafiəçisi Adrian Skarlatake Avropa Liqasının birinci təsnifat mərhələsi çərçivəsində Malta “Sliema”sı ilə səfərdəki oyundan sonra fikirlərini açıqlayıb. Azerisport.az saytına müsahibəsində o, öncə bunları söyləyib:
“Biz bu oyunda qələbə qazanacağımızı gözləyirdik. Rəqibdən daha yaxşı oynadıq. Amma qələbə qazanmağımıza bəzi nüanslar mane oldu. Məsələn, isti hava və oyunun süni örtüklü meydanda keçirilməsi. Heyətimizdə bir neçə yeni futbolçu da var. Onlara komandaya daha da yaxşı uyğunlaşmaq üçün vaxt lazımdı”.
“Biz bu oyunda qələbə qazanacağımızı gözləyirdik. Rəqibdən daha yaxşı oynadıq. Amma qələbə qazanmağımıza bəzi nüanslar mane oldu. Məsələn, isti hava və oyunun süni örtüklü meydanda keçirilməsi. Heyətimizdə bir neçə yeni futbolçu da var. Onlara komandaya daha da yaxşı uyğunlaşmaq üçün vaxt lazımdı”.
Təcrübəl futbolçu səfərdə qələbəni əldən vermələrini normal sayır: “Mən 1:1 hesablı heç-heçənin pis nəticə olduğunu düşünmürəm. Amma təbii ki, qələbəni əldən verməyimizə görə də sevinmirik. Futbolda hərdən belə də olur. Yenə də deyirəm ki, qeyd etdiyim şərtlər altında oynamaq bizim üçün çox çətin idi”.
O, buraxılan qola görə bütün komandanın məsuliyyət daşıdığını bildirib: “Futbol kollektiv oyundu. Hamımız günahkarıq. Fikrimcə, biz qolu rəqibə hədiyyə etdik. Onlar da bizim yeganə səhvimizdən istifadə etdilər. Hər şeyin belə nəticələnəcəyini qətiyyən gözləmirdik. Bu, bizim üçün də sürpriz oldu. Oyuna daha yaxşı konsentrasiya ola bilsəydik, qələbə qazanardıq”.
Rumıniyalı müdafiəçi istənilən halda “Sliema”nı keçəcəklərinə əmindi: “Biz evdə qələbə qazanmalı, mərhələ keçməliyik. Başqa şansımız yoxdu. Düşünmürəm ki, Lənkəranda qələbə qazanmağımızda hansısa problem yaransın”.
Qeyd edək ki, “Xəzər Lənkəran” – “Sliema” oyunu iyulun 11-də Lənkəranda keçiriləcək.
