6 iyul 2013 13:08
İnterin rəqibi iki ciddi itki ilə üzləşdi
Avropa Liqasının birinci təsnifat mərhələsində Bakı “İnter”inin rəqibi olan Finlandiya “Mariehamn”ı ciddi itkilərlə üzləşib. Azerisport.az xəbər verir ki, komandanın braziliyalı yarımmüdafiəçisi Dieqo Assis və hücumçu Dever Orgill Azərbaycan klubuna qarşı cavab matçında forma geyə bilməyəcək.
Buna onların Bakıdakı görüşdə zədələnməsi səbəb olub. Matçın ilk yarısında zədələnərək əvəzlənmək məcburiyyətində qalan futbolçuların təxminən 2-4 həftəliyinə sıradan çıxdığı xəbər verilir. Bu isə Assislə Orgillin “İnter”lə görüşü buraxacağı deməkdi.
Qeyd edək ki, “Mariehamn” – “İnter” matçı iyulun 11-də keçiriləcək.
