8 iyul 2013 01:09
“Bakıya səfər bizi əldən saldı”
Finlandiyanın “Mariehamn” klubunun baş məşqçisi Pekka Liiski ölkə çempionatının son turunda “Jaro” ilə heç-heçəni şərh edib. Azerisport.az xəbər verir ki, Avropa Liqasının birinci təsnifat mərhələsində Bakı “İnter”inin rəqibi olan komandanın çalışdırıcısı 0:0 hesablı heç-heçə ilə bağlı bunları söyləyib:
“Mən bu gün qələbə qazana bilməməyimizin səbəbinin yorğunluq olduğunu deməzdim. Amma uşaqlar Azərbaycana səfərdən sonra əldən düşmüşdülər. Həm də biz “İnter”lə oyunda iki aparıcı futbolçumuzu zədə səbəbindən itirdik. Ona görə də bu heç-heçəni kifayət qədər uğurlu sayıram”.
