8 iyul 2013 11:28
Məlikov Qəbələdə debüt etdi
Növbəti mövsümün hazırlıqlarını Türkiyədə davam etdirən "Qəbələ" hazırlıq çərçivəsində ikinci oyununu keçirib. Azerisport.az xəbər verir ki, iyulun 3-də Zaporojye “Metallurq”u (1:1) ilə heç-heçə edən “qırmızı-qaralar” bu dəfə Türkiyə Superliqa təmsilçisi “Trabzonspor”la münasibətlərinə aydınlıq gətirib.
Görüş Sparta şəhərinin Mustafa Kamal Atatürk stadionunda baş tutub.
Matçda "qırmızı-qaralar" 0:2 hesabı ilə məğlub olub.
Qeyd edək ki, “Qəbələ” iyulun 14-dək bu ölkədə hazırlıq keçəcək. Toplanış əsnasında komandanın növbəti rəqibləri “Antalyaspor” (10 iyul) və “Mersin İdman Yurdu” (13 iyul) olacaq.
“Qəbələ”nin start heyəti: David Petzkeviç, Rail Məlikov, Omar Kalaban, Vladimir Levin, Ürfan Abbasov, Viktor Mendi, İbrahima Niasse, Lorenzo Ebesilio, Nizami Hacıyev, Abdulvahid Afolabi, Dodo.
