8 iyul 2013 15:22
Xəzər Lənkəran mərhələ keçsə...
UEFA Avropa Liqasının ikinci təsnifat mərhələsinin bəzi oyunlarına hakim təyinatlarını açıqlayıb. Azerisport.az xəbər verir ki, həmin oyunlar arasında “Xəzər Lənkəran”ın da iştirak etməsi gözlənilən qarşılaşma var.
Belə ki, Hayfa “Maccabi”si (İsrail) ikinci təsnifat mərhələsində “Xəzər Lənkəran” – “Sliema” (Malta) cütünün qalibi ilə qarşılaşacaq. Bu komandalar arasında ilk oyun 1:1 hesabı ilə başa çatıb, cavab matçı iyulun 11-də Lənkəranda keçiriləcək.
“Xəzər Lənkəran” “Sliema”nı keçsə, “Maccabi” ilə qarşılşacaq. Bu oyunu sloveniyalı Slavko Vinçiç idarə edəcək. 34 yaşlı ədalət təmsilçisi 2010-cu ilin yanvarından FİFA referisi statusu daşıyır və UEFA-nın ikinci kateqoriyasına daxildi.
Qeyd edək ki, püşkə əsasən “Maccabi” ilk oyunu səfərdə keçirməli idi. Lakin UEFA rəsmi saytında bu oyunun Hayfadakı “İtztadion Kiryat Eliezer” stadionunda keçiriləcəyini qeyd edib. 1955-ci ildə tikilən arenanın azarkeş tutumu 14002 nəfərdi.
