9 iyul 2013 19:57
Mübariz Mənsimov Xəzər Lənkəranın ev oyununu da canlı izləyəcək
Mübariz Mənsimov iyulun 11-də Lənkərana gələcək. Azerisport.az xəbər verir ki, “Palmali”nin sahibi Avropa Liqasının birinci təsnifat mərhələsinin cavab oyunları çərçivəsində keçiriləcək “Xəzər Lənkəran” – “Sliema” matçını canlı izləyəcək.
Şəxsi təyyarəsi ilə vətənə gələcək “Xəzər Lənkəran”ın fəxri prezidenti oyundan öncə komanda üzvləri görüşmək niyyətindədi. Klub sahibinin komanda üçün hansı məbləğdə mükafat ayırması hələlik məlum deyil.
Qeyd edək ki, Mənsimov “Xəzər Lənkəran”la “Sliema” arasında Maltada keçirilən oyunu da canlı izləmişdi. Onunla yanaşı, “cırtdan ölkə”yə türkiyəli siyasətçi Mehmet Ağar da yollanaraq, “Xəzər Lənkəran”a dəstək olmuşdu. Ağar Türkiyənin ədalət və daxili işlər naziri olub, Doğru Yol və Demokrat partiyalarına rəhbərlik edib. (12-ci oyunçu)
