9 iyul 2013 20:40
Polşa millisinin sabiq üzvü Simurqda (FOTO)
“Simurq” Türkiyədə təşkil olunmuş təlim-məşq toplanışında baxışdan keçən bir futbolçu haqqında qərar verib. Azerisport.az xəbər verir ki, məşqçilər korpusunun rəyi əsasında Pavel Kapsa növbəti mövsümdə Zaqatala təmsilçisinin formasını geyinəcək.
Artıq polşalı qapıçı ilə ilkin razılıq əldə edilib. Təcrübəli əlcək ustası tibbi müayinədən keçdikdən sonra 1+1 sistemi üzrə rəsmi müqaviləyə imza atacaq. 30 yaşlı Pavel “Simurq”da 1 nömrəli formanı geyinəcək.
Qeyd edək ki, 31 yaşlı qolkiper 2012-ci ildən çıxış etdiyi Cənubi Kiprin “Olimpiakos” klubunda 33 oyun keçirib. O, əvvəllər Polşanın “Ostrovets”, “Visla”, “Vidzev”, “Legia” və Cənubi Kiprin “Alki” klublarında çıxış edib.
Kapsa Polşanın aşağı yaş qrupları ilə yığmalarının formasını geyinib. Belə ki, qolkiper U-16, U-17 (6 oyun), U-18 (7 oyun) və U-21 (2 oyun) yığmalarının uğurları üçün çalışıb.
