9 iyul 2013 12:39
Öncə Qurbanov, sonra Srcan Zaharyevski
Avropa Liqasının birinci təsnifat mərhələsinin cavab oyunları çərçivəsində keçiriləcək “Qarabağ” – “Metallurg” (Makedoniya) matçı öncəsi komandaların baş məşqçilərinin mətbuat konfransı keçiriləcək. Azerisport.az xəbər verir ki, jurnalistlər önünə öncə “Qarabağ”ın baş məşqçisi Qurban Qurbanov çıxacaq.
Onun mətbuat konfransı sabah saat 19:30-da başlayacaq. Ağdam təmsilçisi bundan yarım saat sonra oyunun keçiriləcəyi Tofiq Bəhramov adına Respublika stadionunda son məşqə çıxacaqlar.
“Metallurg” Bakıya bu gecə gələcək. Skopye təmsilçisinin baş məşqçisi Srcan Zaharyevskinin mətbuat konfransı saat 20:30-da başlayacaq. Yarım saat sonra isə makedoniyalılar mərkəzi arenada son məşqlərini həyata keçirəcəklər.
Qeyd edək ki, “Qarabağ” - “Metallurg” oyunu iyulun 21-də, saat 21:00-da başlayacaq. Bu komandalar arasındakı ilk oyun 1:0 hesabıyla ağdamlıların xeyrinə başa çatıb.
