9 iyul 2013 14:16
Xəzər Lənkəran məşqləri bərpa etdi
UEFA Avropa Liqasının birinci təsnifat mərhələsinin “Sliema” (Malta) ilə səfər oyunundan sonra bu ölkədə qalan “Xəzər Lənkəran” dünən vətənə döndü. Azerisport.az xəbər verir ki, Maltada daha 5 gün hazırlıq keçən və bir yoxlama oyununa çıxan komanda dünən Malta-Bakı çarter reysi ilə birbaşa vətənə qayıdaraq vaxt itirmədən Lənkərana yola düşüb.
Axşam saatlarında Lənkəranda ilk məşqini keçirən “Xəzər Lənkəran” bu gün daha iki məşqə çıxacaq.
Səhər məşqində bütün heyət hazırlığa qatılıb. Zədəli futbolçular da daxil olmaqla əsgəri xidmətini başa vuran Ağabala Ramazanov və millidən dönən Kamran Abdullazadə komanda ilə birgə “Sliema” ilə cavab oyununa ciddi səylə hazırlaşırlar.
