10 iyul 2013 21:45
Qəbələ Türkiyə klubuna 7 cavabsız qol vurdu (YENİLƏNİB)
Türkiyənin İsparta bölgəsində təlim-məşq toplanışında olan “Qəbələ” bu gün üçüncü yoxlama oyununu keçirib. Azerisport.az xəbər verir ki, Premyer Liqa təmsilçisinin bu dəfəki rəqibi Türkiyə klubu olub.
Əvvəlcədən “Qəbələ” “Antalyaspor”la razılaşmışdı və bu gün məhz bu komanda ilə qarşılaşacaqdı. Lakin sonradan rəqib dəyişdirilib. Beləliklə, “Qəbələ” bu gün həvəskarlar liqasında çıxış edən “İspartaspor”la üz-üzə gəlib. Qarşılaşma Yuri Syominin yetirmələrinin böyük hesablı qələbəsi ilə başa çatıb.
Qeyd edək ki, “Qəbələ” bundan əvvəl Türkiyədə iki oyun keçirib. Zaparoje “Metallurq”u ilə sülh bağlayan (1:1) Syominin yetirmələri “Trabzonspor”a uduzub (0:2). Təmsilçimiz iyulun 13-də Super Liqanı tərk etmiş “Mersin İdman Yurdu” ilə qarşılaşacaq.
Yoxlama oyunu
10 iyul
Qəbələ - İspartaspor - 7:0
Qollar: Kamanan, 7 (1:0), Kamanan, 17 (2:0), Kelhar, 29 (3:0), Qurbanov, 47 (4:0), Assis, 59 (5:0), Kelhar, 60 (6:0), Qurbanov, 70 (7:0)
“Qəbələ”nin start heyəti: David Petrkeviç, Sadiq Quliyev, Deyan Kelhar, Vladimir Levin, Rail Məlikov, İbrahima Niasse, Lorenso Ebesilio, Nizami Hacıyev, Dodo, Daniel Subotiç, Yannik Kamanan
İkinci hissədə meydana Cavidan Hüseynzadə, Omar Kalaban, Şəhriyar Xəlilov, Amit Quluzadə, Viktor Mendi, Tərzin Cahangirov, Nuran Qurbanov, Rodriqes Assis, Abdulvahid Afolabi də çıxıb. Meydanda yalnız Levinlə Kelhar qalıb.
