11 iyul 2013 00:23
“Con Toşakdan Qarabağla bağlı məsləhət almamışıq”
“Qarabağ”ın Avropa Liqasındakı rəqibi olan Makedoniyanın “Metallurg” klubunun baş məşqçisi Srcan Zaharyevski Bakıda mətbuat konfransı keçirib. Azerisport.az xəbər verir ki, o, öncə bunları dilə gətirib:
“Qarabağ” ilk oyunda layiqli qələbə qazandı. İlk oyuna yaxşı hazırlaşa, öz səviyyəmizi göstərə bilmədik. Ancaq bu matçdan 7 gün keçib və bu dəfə yaxşı hazırlaşmışıq. Cavab matçında qələbə qazanmaq istəyiriksə, mütləq qol vurmalıyıq”.
“Qarabağ” ilk oyunda layiqli qələbə qazandı. İlk oyuna yaxşı hazırlaşa, öz səviyyəmizi göstərə bilmədik. Ancaq bu matçdan 7 gün keçib və bu dəfə yaxşı hazırlaşmışıq. Cavab matçında qələbə qazanmaq istəyiriksə, mütləq qol vurmalıyıq”.
“Qarabağ”ın orta sahəsini fərqləndirmək istərdim. Cinahlar da sürətlidi. Düşünmürəm ki, bizim psixoloji gərginliyimiz var. Çünki bizim itiriləsi heç nəyimiz yoxdu”.
Zaharyevski Azərbaycan futbolunun inkişafda olduğunu bildirib: “Son vaxtlar Azərbaycan futbolu inkişafdadı. Futbolunuza yatırılan maliyyə vəsaiti nəinki “Qarabağ”ın, digər klublarınızın da gələcəkdə də qrupa düşəcəyinizi göstərir”.
“Metallurg”un çalışdırıcısı Makedoniya yığmasının sabiq, “Xəzər Lənkəran”ın hazırkı baş məşqçisi Con Toşakdan “Qarabağ”la bağlı məlumat almadığını deyib: “Azərbaycanda oynamış, indi də oynayan bəzi makedoniyalı futbolçulardan informasiya əldə etmişəm. Bundan əlavə, Azərbaycanda işləmiş makedoniyalı mütəxəssisdən məlumat almışıq. Vaxtilə Makedoniya millisini çalışdırmış Con Toşakdan isə məlumat almamışıq”.
Zahariyevski “Azərbaycanda işləmiş makedoniyalı mütəxəssis” dedikdə böyük ehtimalla Qyoko Haciyevskini nəzərdə tutur.
