10 iyul 2013 13:19
Neftçi ilə sülh bağladı, Xəzər Lənkəranın potensial rəqibinə qalib gəldi
Xəbər verdiyimiz kimi, Azərbaycan çempionu “Neftçi” Avstriya toplanışı çərçivəsində ötən gün Rusiyanın “Terek” klubu ilə yoxlama oyunu keçirib. Azerisport.az xəbər verir ki, sözügedən görüş qolsuz başa çatmışdı.
Qroznı təmsilçisi ötən gün “Neftçi”nin ardınca daha bir sınaq matçına çıxıb. Rusiya klubu İsrailin “Maccabi” (Hayfa) komandası ilə qarşılaşıb. Bu oyunda “Terek” rəqibini 1:0 hesabıyla məğlub etməyi bacarıb. Oyundakı yeganə qolu “Neftçi”yə qarşı da 90 dəqiqə keçirmiş Zaur Sadayev vurub.
Qeyd edək ki, “Maccabi” Avropa Liqasının ikinci təsnifat mərhələsi çərçivəsində “Xəzər Lənkəran”ın potensial rəqibidi. Bu komanda bir neçə gün öncə “Neftçi” ilə də qarşılaşmış və 3:0 hesabıyla qalib gəlmişdi.
