12 iyul 2013 00:33
Qarabağ daha bir futbolçu alır
“Qarabağ” daha bir futbolçu transfer edəcək. Azerisport.az xəbər verir ki, bu barədə komandanın baş məşqçisi Qurban Qurbanov məlumat verib.
Makedoniya “Metallurg”u ilə oyundan sonra danışan Qurbanov oyun qurucusu alacaqlarını bildirib: “Ön xəttə, oyun qurucusu mövqeyinə futbolçu cəlb edəcəyik. Danışıqlar baş tutsa, yaxında reallaşacaq. Transfer kənardan asan görünsə də, bu, uzun müddət aparır. Müdafiə xəttinə yeni oyunçu almayacağıq”.
Baş məşqçi ilin onun üçün çox çətin keçdiyini deyib: “Bu il mənim üçün ən çətin illərdən biri oldu. Çünki heyətimizdə çox dəyişiklik oldu. Yerli futbolçular, millimizin üzvləri olan Rauf Əliyev, Əfran İsmayılov, Vaqif Cavadov getdi. Məncə, onların başqa komanda oynamalarına imkan yaratmaqla düzgün addım atdım”.
