11 iyul 2013 12:58
Qəbələ Leonardo da Slivanı almağa hazırlaşır (FOTO)
Donetsk “Metallurg”unun braziliyalı yarımmüdafiəçisi Leonardo “Qəbələ”yə keçməyə yaxındı. Azerisport.az xəbər verir ki, bu barədə Rusiya mətbuatı məlumat yayıb.
Həmkarlarımızın iddiasına görə, 21 yaşlı futbolçu yaxın günlərdə Yuri Syominin rəhbərlik etdiyi komandanın düşərgəsinə qatılacaq.
Qeyd edək ki, tam adı Leonardo da Silva Souza olan futbolçu 2012/13 mövsümünün ilk yarısında Yunanıstanın “Enosis” (11 oyun, 5 qol) klubunda çıxış edib. Yanvarda “Metallurg”a transfer olunan braziliyalı 9 oyunda 1 qola imza atıb. Məşhur transfermarkt.de saytı 21 yaşlı yarımmüdafiəçiyə 400 min avro qiymət qoyub.
Onu da qeyd edək ki, “Qəbələ” mövsümlərarası fasilədə “Metallurg”dan artıq bir futbolçunu transfer edib. Bu, hollandiyalı yarımmüdafiəçi Lorenso Ebesiliodu.
