11 iyul 2013 14:41
Ramal Hüseynov Bucaspor klubunda!
Türkiyənin "Bucaspor" klubu "Qaradağ Lökbatan"ın futbolçusu Ramal Hüseynovu baxışa çağırıb. Azerisport.az xəbər verir ki, bu barədə klubun rəsmi saytı da məlumat yayıb.
Türkiyə klubu azərbaycanlı oyunçunu bir müddət sınayacaq. Əgər həmyerlimiz məşqçilər korpusunun xoşuna gəlsə, o zaman Ramalla müqavilə imzalana bilər.
Qeyd edək ki, son mövsümü “Qaradağ Lökbatan”da keçirən 29 yaşlı Hüseynov 2008/2009 mövsümündə Türkiyənin "Kocaelispor" komandasında çıxış edib.
Ramal bundan əlavə “Şahdağ”, “Şəfa”, “Turan”, “Qarabağ”, “Bakı”, “Neftçi”, “Standard” və “Kəpəz”də də top qovub.
Hüseynov vaxtilə müxtəlif yaş qruplarından ibarət yığmalarımızla yanaşı, əsas millimizdə də çıxış edib.
