12 iyul 2013 12:34
Vaqif Cavadov: İnter hələ heç nəyə nail olmayıb
“İnter”in hücumçusu Vaqif Cavadovun azerisport.az saytına müsahibəsi
- Finlandiya “Mariehamn”ı ilə cavab oyununda qələbə qazandınız. Oyunla bağlı nə deyə bilərsiz?
- Biz cavab matçına çox ciddi hazırlaşmışdıq. Bilirdik ki, çətin olacaq. Buna görə də psixoloji cəhətdən hər şeyə hazırlıqlı idik. Baçana Sxadadze penaltini qola çevirənə qədər də bir neçə qol şansını qaçırmışdıq. Amma qoldan sonra özümüzə gəldik. İnandıq ki, Finlandiyadan uğurlu nəticə ilə qayıda biləcəyik. Fikrimcə, qələbəyə layiq idik. Deməzdim ki, “Mariehamn” ev oyununda bizi nə iləsə təəccübləndirdi. Onların sona qədər mübarizə aparacağını bilirdik.
- Biz cavab matçına çox ciddi hazırlaşmışdıq. Bilirdik ki, çətin olacaq. Buna görə də psixoloji cəhətdən hər şeyə hazırlıqlı idik. Baçana Sxadadze penaltini qola çevirənə qədər də bir neçə qol şansını qaçırmışdıq. Amma qoldan sonra özümüzə gəldik. İnandıq ki, Finlandiyadan uğurlu nəticə ilə qayıda biləcəyik. Fikrimcə, qələbəyə layiq idik. Deməzdim ki, “Mariehamn” ev oyununda bizi nə iləsə təəccübləndirdi. Onların sona qədər mübarizə aparacağını bilirdik.
- “İnter”də qol vəziyyətlərini boşa vermək problemi hələ də qalır...
- Əlbəttə, daha böyük hesabla qalib gələ bilərdik. Yəqin ki, toplarda nəsə var. Onlar bizim adi oyunlarda istifadə etdiyimizdən fərqlənirlər. Amma qazon çox əla vəziyyətdə idi.
- “Mariehamn” qol buraxandan sonra çox fəallaşdı...
- Bizim də çoxlu qol vəziyyətlərimiz olurdu. Yaxşı ki, sonda hər şey bizim istədiyimiz kimi alındı.
- Komandanızı tam rahatlaşdıran ikinci qola siz imza atdınız. Yəqin ki, bundan sonra azarkeşlərin sizə münasibəti dəyişər...
- Məni fitə basanların bu hərəkətlərinə fikir vermirəm. Məni dəstəkləyən azarkeşlər də var. Futbolu komandam, azarkeşlər və özüm üçün oynayıram. Əgər kimsə məni sevmirsə, sevməsin. Onlara sadəcə uğurlar arzulaya bilərəm.
- Növbəti mərhələdəki rəqibiniz Norveç “Tromse”sidi. Nə gözləyək?
- Bu, çox çətin sınaq olacaq. Fikrimcə, şanslar bərabərdi. Düşünmürəm ki, cütün favoriti var. Malta “Sliema”sının “Xəzər Lənkəran”la oyunları da göstərdi ki, heç bir komandanı zəif saymaq, siyahıdan silmək olmaz.
- Bu, çox çətin sınaq olacaq. Fikrimcə, şanslar bərabərdi. Düşünmürəm ki, cütün favoriti var. Malta “Sliema”sının “Xəzər Lənkəran”la oyunları da göstərdi ki, heç bir komandanı zəif saymaq, siyahıdan silmək olmaz.
- Bu, sizin üçün təəccüblü olmadı ki? “Tromse” evdə Sloveniya “Celje”sinə 1:2 uduzsa da, səfərdə 2 cavabsız qolla qalib gəldi...
- Mənim üçün hansı komandayla qarşılaşmağımızın fərqi yox idi. Əgər “Tromse” qazandısa, deməli buna daha çox layiqdi. Amma bir şeyi dəqiq bilirəm ki, norveçlilərin komandası “Mariehamn”dan daha güclüdü. Buna baxmayaraq, “İnter” bu komandanı da keçə bilər.
- Komandanızın qarşısına hansı vəzifə qoyulub?
- Minimum vəzifədən danışmaq çətindi. Çünki “Neftçi” ötən il Avroliqanın qrup mərhələsinə düşməklə bütün klublarımızın hədəflərini daha da böyütməsini labüd etdi. Biz hələ heç nə etməmişik. Meydana çıxıb öz oyunumuzu sərgiləməli, mümkün qədər irəli getməyə çalışmalıyıq.
- Minimum vəzifədən danışmaq çətindi. Çünki “Neftçi” ötən il Avroliqanın qrup mərhələsinə düşməklə bütün klublarımızın hədəflərini daha da böyütməsini labüd etdi. Biz hələ heç nə etməmişik. Meydana çıxıb öz oyunumuzu sərgiləməli, mümkün qədər irəli getməyə çalışmalıyıq.
