13 iyul 2013 11:04
Rahid Əmirquliyev: Xəzər Lənkəran Maccabi ilə oyunlarda tam fərqli olacaq
“Xəzər Lənkəran”ın kapitanı Rahid Əmirquliyevin azerisport.az saytına müsahibəsi
- “Xəzər Lənkəran”ın avrokuboklardakı ilk və tarixi qələbəsi barədə nə deyə bilərsiz?
- Düzünü deyim ki, biz Malta “Sliema”sı üzərində daha böyük hesabla qələbə qazanmaq istəyirdik. Elə oyunun gedişində də 3-4 qol vura bilərdik. Amma sonda cəmi bir qolla qalib gəldik.
- Düzünü deyim ki, biz Malta “Sliema”sı üzərində daha böyük hesabla qələbə qazanmaq istəyirdik. Elə oyunun gedişində də 3-4 qol vura bilərdik. Amma sonda cəmi bir qolla qalib gəldik.
- Bəs çox qol vurmağınıza nə mane oldu?
- Özümüz özümüzə mane olduq. Həlledici zərbələrimizdə dəqiqlik çatışmadı. Əlverişli epizodları boşa verdik. Əsas qələbə qazanmaq idi. Ona da nail olduq.
- Özümüz özümüzə mane olduq. Həlledici zərbələrimizdə dəqiqlik çatışmadı. Əlverişli epizodları boşa verdik. Əsas qələbə qazanmaq idi. Ona da nail olduq.
- Hesab açılana qədər komandanız çox fəal idi. Amma qol vurduqdan sonra meydanda bərabər mübarizə getməyə başladı. Yəni minimal hesablı qələbədən razı idiniz?
- Hardasa arxayınlaşmışdıq, hardasa qol buraxmamaq istəyirdik. Rəqibin də qol vurmaq üçün şansları oldu. Amma biz qapımızı toxunulmaz saxlaya bildik. Bütövlükdə, layiqli qələbə qazandığımızı düşünürəm.
- Ötən oyunda Elnur Allahverdiyev meydandan qovulmuşdu, bu dəfə Elnur Abdullayev. Con Toşak da etiraf edir ki, komandada intizam çatışmazlığı var...
- Məncə, orda qırmızı vərəqə yox idi. Hakim sadəcə xəbərdarlıqla kifayətlənə bilərdi.
- Komandanızın oyunundan razısız?
- Komandamız hələ tam hazır deyil. Lakin mövsümün əvvəlində belə oyun sərgiləməyimiz də normaldı. Oyundan-oyuna daha yaxşı təsir bağışlayacağımızı düşünürəm.
- Komandamız hələ tam hazır deyil. Lakin mövsümün əvvəlində belə oyun sərgiləməyimiz də normaldı. Oyundan-oyuna daha yaxşı təsir bağışlayacağımızı düşünürəm.
- Sırada Hayfa “Maccabi”si var. İsrail klubu “Maccabi”dən daha güclüdü...
- Əlbəttə. Biz də bunu bilirik. Başa düşürük ki, asan olmayacaq. İsrail klubu ilə tamamilə fərqli futbol olacaq. Amma hər oyuna motivasiya fərqli olur. “Xəzər Lənkəran” da bu oyunlarda tam fərqli olacaq.
