14 iyul 2013 20:25
Rəvan Sloveniyaya yollanır
"Rəvan” yeni mövsümə hazırlıq çərçivəsində artıq ilk mərhələni geridə qoyub. Azerisport.az xəbər verir ki, iyunun 20-dən hazırlıqlara başlayan komanda dünən AZAL ilə "Bayıl stadionu”nda yoldaşlıq oyunu keçirməklə hazırlığın birinci mərhələsini başa vurub.
Bu gün sadəcə, oyunsonrası bərpaedici proseslər həyata keçirilib. Sabah isə "Rəvan” hazırlığın ikinci mərhələsi çərçivəsində Sloveniyaya yollanacaq. Bakı – Vyana – Maribor marşrutu ilə hərəkət edəcək komanda Bakıdan Avstriyanın paytaxtına təyyarə ilə, ordan Sloveniyanın adıçəkilən şəhərinə isə avtobusla yollanacaq.
Mariborda komanda üzvləri "Draş Hotel”də qalacaq. Komanda Maribor toplanışı çərçivəsində 3 yoxlama oyunu keçirməyi nəzərdə tutub. Toplanış ayın 26-na qədər olacaq. İyulun son, avqustun ilk günlərində isə hazırlığın sonuncu mərhələsi olacaq. Komanda həmin müddətdə yenə Bakıda hazırlığını davam etdirəcək. (klub saytı)
