14 iyul 2013 11:34
“Skenderbeunu Neftçi ilə müqayisə etməyə dəyməz”
Albaniyanın “Skenderbeu” klubunun sabiq baş məşqçisi Şpetim Duro bu komandanın Çempionlar Liqasının ikinci təsnifat mərhələsi çərçivəsində Azərbaycan çempionu “Neftçi” ilə oyunlardakı şansları barədə danışıb. Azerisport.az xəbər verir ki, o, yerli mətbuata müsahibəsində bunları dilə gətirib:
“Mən “Neftçi”ni tanıyıram. İki il öncə “Skenderbeu”ya rəhbərlik edərkən onlarla yoldaşlıq oyunu keçirmişdik. Avstriyada baş tutan həmin hazırlıq matçı 1:1 hesabıyla yekunlaşmışdı. Onlar qolu penaltidən, biz isə Muzakanın sayəsində oyun epizodundan vurduq. Bildiyim qədərilə, həmin heyət 70-80 faiz qalmaqdadı”.
“Mən “Neftçi”ni tanıyıram. İki il öncə “Skenderbeu”ya rəhbərlik edərkən onlarla yoldaşlıq oyunu keçirmişdik. Avstriyada baş tutan həmin hazırlıq matçı 1:1 hesabıyla yekunlaşmışdı. Onlar qolu penaltidən, biz isə Muzakanın sayəsində oyun epizodundan vurduq. Bildiyim qədərilə, həmin heyət 70-80 faiz qalmaqdadı”.
Albaniyalı mütəxəssisin fikrincə, bu iki komandanı müqayisə etməyə dəyməz: “Neftçi”nin büdcəsini götürsək, “Skenderbeu”nu bu komanda ilə ümumiyyətlə müqayisə etməyə dəyməz. Azərbaycanlıların heyətində 1-2 milyon avro dəyərində futbolçular var. Təbii ki, kağız üzərində favorit məhz “Neftçi”di”.
O, keçmiş komandasının növbəti mərhələyə adlamaq şanslarından danışarkən bunları qeyd edib: “Əlbəttə, “Skenderbeu”ya çox çətin olacaq. Amma mən ilk oyunun çox vacib əhəmiyyət kəsb etdiyini düşünürəm. Mümkündü ki, ilk oyundan sonra hansı komandanın növbəti mərhələyə vəsiqə qazanacağını söyləmək çətin olsun. Əgər komandamız Azərbaycanda keçiriləcək ilk oyunda sərfəli nəticə qazana bilsə, mərhələ adlamaq şansı əldə edəcək. Baxmayaraq ki, ev oyununda nələr baş verəcəyini də güman etmək çətindi”.
Duro “Skenderbeu”nun hazırkı heyəti barədə də danışıb: “Əminliklə söyləmək olar ki, indiki heyət son üç ildə ən güclü kollektivdi. Müdafiə və mərkəz xətti xüsusi dəyişikliyə məruz qalmayıb. Amma hücum xətti gücləndirilib. Komandanın hücum xəttində çoxlu variantlar var. Bu, Albaniya çempionu üçün çox müsbət məqamdı”.
