14 iyul 2013 12:38
Azərbaycan klubuna texniki məğlubiyyət verildi
Gürcüstanın Batumi şəhərində təşkil olunan çimərlik futbolu üzrə beynəlxalq “Ajaria Gold Cup” turniri davam edir. Azerisport.az xəbər verir ki, Azərbaycanı bu turnirdə iki klub təmsil edir.
Bunlar “Bakı” və “Azçiken” komandalarıdı. Artıq təmsilçilərimiz qrup mərhələsindəki çıxışını yekunlaşdırıb. İlk turda İtaliyanın “Udinese” klubuna qalib gələn “Azçiken” növbəti matçını Qazaxıstanın “Arman” klubuna qarşı keçirib və 4:5 hesabıyla məğlub olub. Komandamız son görüşündə Türkiyə “İzmir”i ilə də bacarmayıb – 3:4.
“Bakı”ya gəlincə, ilk turda Belarus BATE-sinə 2:3 uduzan komandamız ardından Gürcüstan yığmasına da məğlub olub. Amma bu qarşılaşma ilə bağlı ciddi qalmaqal yaranıb. Belə ki, oyunu idarə edən yerli hakimlər komandamızın qapısına üç penalti təyin ediblər. Bu üzdən meydan sahibləri hesabda 3:1 önə keçiblər. Lakin hakimliyin bərbad vəziyyətdə olduğunu görən “Bakı” meydanı vaxtından öncə tərk etməyə qərar verib. Bu üzdən komandamıza 0:3 hesablı texniki məğlubiyyət verilib. Əvəzində həmin oyunu idarə edən hakimlər turnirdən kənarlaşdırılıblar. “Bakı” yalnız son turda Ukraynanın “Ternopol” klubuna 6:1 hesabıyla qalib gələ bilib.
Nəticədə, təmsilçilərimizin hər ikisi 5-8-ci yerlər uğrunda mübarizə aparmaq məcburiyyətində qalıb.
Nəticədə, təmsilçilərimizin hər ikisi 5-8-ci yerlər uğrunda mübarizə aparmaq məcburiyyətində qalıb.
