16 iyul 2013 01:07
Piastın prezidenti sərsəm açıqlamalar verməkdə davam edir
“Qarabağ”ın Avropa Liqasının ikinci təsnifat mərhələsindəki rəqibi olan Polşanın “Piast” klubunun prezidenti Yaroslav Kolodzeyçuk Ağdam klubu ilə oyunlar öncəsi Azərbaycana səfərlə bağlı təşkilati məsələlərdən şikayətlənməyə davam edir. Azerisport.az xəbər verir ki, az qala hər açıqlamasında ölkəmizlə bağlı mənfi fikirlər söyləyən Qlivitse təmsilçisinin rəhbəri bu dəfə də Azərbaycanı guya viza ilə bağlı problem yaratmaqda ittiham edib və hədə-qorxu gəlib:
“Biz hələ də viza ala bilməmişik. Heç bunun necə başa çatacağını da bilmirik. Biz Azərbaycana belə uça bilmərik! Mümkündü ki, oyun günü səfərə çıxacaq. Orda vizasız qalacağımızı təsəvvür edə bilmirəm. Bu, bütün Avropada böyük bir qalmaqal olar”!
“Biz hələ də viza ala bilməmişik. Heç bunun necə başa çatacağını da bilmirik. Biz Azərbaycana belə uça bilmərik! Mümkündü ki, oyun günü səfərə çıxacaq. Orda vizasız qalacağımızı təsəvvür edə bilmirəm. Bu, bütün Avropada böyük bir qalmaqal olar”!
Xatırladaq ki, “Piast”ın hədyan açıqlamalar verən bu prezidenti öncə öncə Azərbaycan suyundan içmək istəmədiklərini dilə gətirmişdi. Guya Azərbaycanın içməli suyu onun komandasının üzvləri üçün təhlükə yarada bilər. Ardından o, Azərbaycan mətbəxi barədə mənfi fikirlər söylədi. Guya komandası Bakıda yerli mətbəxin yeməklərini dadmaqla zəhərlənə bilər. Bu üzdən Polşa klubu səfərə bütün azuqəsini özü ilə gətirməyə qərar verib. Son olaraq Kolodzeyçuk Azərbaycandakı hava şəraitinin həddən artıq qorxulu olmasından şikayətlənmişdi. Sanki Bakı hansısa ərəb ölkələrindən birinin paytaxtıdı.
Yeri gəlmişkən qeyd edək ki, Kolodzeyçukdan geri qalmayan polşalı həmkarlarımız da Azərbaycanla bağlı ağızlarına gələn yalan və mənasız informasiyalar yazmaqda davam edirlər. Amma onların əsl səviyyəsini elə yazılarında Azərbaycanı Asiya ərazisi kimi göstərmələri sübut edir.
Sonda maraq üçün bir məqamı da qeyd edək ki, “Qarabağ”ın ilk təsnifat mərhələsindəki rəqibi olan Makedoniya “Metallurg”u da Azərbaycana viza almaqda problemlə üzləşmişdi. Amma Ağdam klubunun rəhbərliyi özü onların bu problemini yolunda qoymaq üçün əlindən gələni etdi və makedoniyalılar vizalarını elə Heydər Əliyev adına beynəlxalq hava limanındaca əldə etdilər. Odu ki, polşalılar da bu qədər boş-boş açıqlamalar vermək əvəzinə ölkəmizə hörmət qoymağa çalışsa, ən azı qarşı tərəfə müraciət etsə, daha yaxşı olardı. Nəinki yalan və böhtanla dolu açıqlamalar vermək, yazılar yazmaq...
