15 iyul 2013 14:37
Millimizin futbolçusu PSV-yə qarşı 45 dəqiqə oynadı (FOTO)
Futbol üzrə Azərbaycan millisinin yarımmüdafiəçisi Əli Gökdəmirin çıxış etdiyi “Hannover” növbəti yoxlama oyununu keçirib. Azerisport.az xəbər verir ki, Bundesliqa təmsilçisi Hollandiyanın PSV klubu ilə qarşılaşıb.
“Hannover”in ev oyunlarını keçirdiyi “AVD-Arena”da baş tutan və 13200 alman azarkeşin canlı izlədiyi qarşılaşmada millimizin üzvünün komandası darmadağına üzülüb – 0:3.
Gökdəmir meydana fasilədən sonra çıxıb və sonadək mübarizə aparıb.
Qeyd edək ki, bu oyunu izləyənlər arasında bir neçə azərbaycanlı və türk azarkeş də olub. Onlardan biri məhz şəkildə gördüyünüz kimi, millimizin formasında Əli ilə şəkil də çəkdirib.
