16 iyul 2013 11:07
Miro Varvodiç: Piast Bakıda müdafiə olunmayacaq
“Qarabağ”ın qapıçısı Miro Varvodiç Avropa Liqasının ikinci təsnifat mərhələsindəki rəqibləri olan Polşa “Piast”ı barədə fikirlərini açıqlayıb. Azerisport.az saytına müsahibəsində o, öncə bunları söyləyib:
“Polşa klubu ilk mərhələdə qarşılaşdığımız Makedoniya “Metallurg”undan daha güclüdü. Fikrimcə, bizi çox çətin iki oyun gözləyir. Bu üzdən bir çox suallara məhz Bakıdakı oyunda aydınlıq gətirməyə borcluyuq”.
“Polşa klubu ilk mərhələdə qarşılaşdığımız Makedoniya “Metallurg”undan daha güclüdü. Fikrimcə, bizi çox çətin iki oyun gözləyir. Bu üzdən bir çox suallara məhz Bakıdakı oyunda aydınlıq gətirməyə borcluyuq”.
Varvodiçin sözlərinə görə, komandamız rəqib haqda kifayət qədər məlumat toplaya bilib: “İndi elə etməliyik ki, bu məlumatlar bizə fayda gətirsin. Əminəm ki, polşalılar müdafiədə oturmağa hazırlaşmırlar. Onlar adətən əks-hücumlarda çox təhlükəli olurlar. Ona görə də hər şeyə hazır olmalıyıq”.
Serbiyalı qolkiper “Metallurg”la oyunlarda “Qarabağ”ın əsas çərçivə qoruyucusu idi. O, həmin görüşlərdən də danışıb: “Ən önəmlisi o oldu ki, biz növbəti mərhələyə vəsiqə qazandıq. Düzdü, bu oyunlarda müəyyən çətinliklərimiz oldu. Amma mənə elə gəlir ki, biz rəqibdən daha yaxşı oynadıq. Hər iki oyunda qalib gəlməyimiz də bunu sübut etdi”.
“Qarabağ”ın üç il öncə darmadağınla məğlub etdiyi komandaya bu dəfə minimal hesablı qalib gəlməsinə də toxunan Miro bunları söylədi: “Bir şeyi deyə bilərəm ki, bu, futboldu. Hərdən dörd qolu heç nədən vurursan. Amma bəzən də çox gözəl oynadığın halda çətinliklə bir qol vurursan. Yaxud ümumiyyətlə buna nail ola bilmirsən”.
