17 iyul 2013 23:04
Rəvan məşq etdi, yerli sakinlər izlədilər (FOTOLAR)
Sloveniyanın Maribor şəhərində 2013/14 mövsümünə hazırlığını davam etdirən "Rəvan” tam qüvvə ilə çalışır. Azerisport.az xəbər verir ki, komandanın bu gün səhər baş tutan məşqi axşamkı oyuna uyğun təşkil edilib.
Baş məşqçi Ramil Əliyev komandasının taktiki-texniki çalışmalarına birbaşa nəzarət edib, lazım gələndə tapşırıqlarını verib. Yerli sakinlərin də maraq göstərdiyi məşqdə futbolçuların topla rəftarının yüksəldilməsinə hesablanmış toplu çalışmalar xüsusi marağa səbəb olub.
Əliyev yetirmələrinin dar zonada pressinq altında topu özündə saxlamaq bacarığını yoxladıqdan sonra, "kvadratlar” təşkil edilib. Ardından futbolçular cinah ötürmələri və asmalarının qapanması üzərində işləyiblər. Qapıya zərbələrdən sonra isə standart vəziyyətlərin ifası gerçəkləşib.
