17 iyul 2013 23:27
Mirel Yosa: Neftçi ilə ev oyunumuz Bakıdakından daha çətin keçəcək
Albaniyanın “Skenderbeu” klubunun baş məşqçisi Mirel Yosa Çempionlar Liqasının ikinci təsnifat mərhələsində “Neftçi”yə qarşı keçirdikləri ilk oyunu şərh edib. Azerisport.az xəbər verir ki, o, 0:0 hesabıyla başa çatan görüşdən sonra öncə bunları dilə gətirib:
- Mən dünən keçirilən mətbuat konfransında “Neftçi”nin heyətində yaxşı hesab etdiyim futbolçuların adlarını qeyd etmişdim. Bu oyunda onları “bağlamışdıq”. Futbolçularımın çıxışından razı qaldım. “Neftçi” yoxlama oyunlarında oynadığı futbolu sərgilədi. Biz isə ilk yarı ilə müqayisədə ikinci hissədə daha yaxşı oynadıq. Matç qolsuz başa çatdı. Bu üzdən evdə işimiz daha çətin olacaq. Lakin mən düşünmürəm ki, “Neftçi” bu nəticədən narazı olmalıdı. Çünki Korçedə onlar bir qol vursa, biz ikisini vurmalı olacağıq. Qarşıda bərpa olmaq, cavab görüşünə daha yaxşı hazırlaşmağımız üçün bir həftəmiz var. Ev oyununda yarımmüdafiə və hücum xəttində daha yaxşı oynamağımız lazımdı. “Neftçi” səfər oyunlarında həmişə qol vurur. Ona görə də bizə çətin olacaq. “Neftçi”yə hörmətlə yanaşırıq.
- Dünən siz “Neftçi”dən sürpriz gözlədiyini demişdiniz. Gördünüz?
- “Neftçi”nin bizə sürpriz hazırladığını bilmirdim. Amma başa düşürdüm ki, ya 4-4-2, ya da 4-4-1-1 taktikası ilə çıxış edəcəklər. Bertuççi çox yaxşı futbolçudu. O, birinci hissədə komandası üçün çox böyük iş gördü. Lakin biz də ürəkdən oynadıq.
- “Neftçi”nin bizə sürpriz hazırladığını bilmirdim. Amma başa düşürdüm ki, ya 4-4-2, ya da 4-4-1-1 taktikası ilə çıxış edəcəklər. Bertuççi çox yaxşı futbolçudu. O, birinci hissədə komandası üçün çox böyük iş gördü. Lakin biz də ürəkdən oynadıq.
- Sizin futbolçularınız mərhələ keçibmiş kimi sevinirdilər...
- Mən futbolçularımla danışdım. Onlara hələ mərhələni keçmədiyimizi dedim. Oteldə də söhbətimiz olacaq. Bir daha qeyd edirəm ki, ev oyunumuz Bakıdakından daha çətin olacaq.
- Futbolçularınızın qəsdən yerdə uzanıb vaxt aparması öncədən tapşırılmışdı?
- Bu, bizim üslubumuz deyil. Mən heç vaxt futbolçularımdan xahiş etməmişəm ki, yerdə uzanıb vaxt aparsınlar. Amma hərdən belə olur. Əminəm ki, sizin futbolçular da Milan “İnter”i ilə oyunlarda belə ediblər.
- Bu, bizim üslubumuz deyil. Mən heç vaxt futbolçularımdan xahiş etməmişəm ki, yerdə uzanıb vaxt aparsınlar. Amma hərdən belə olur. Əminəm ki, sizin futbolçular da Milan “İnter”i ilə oyunlarda belə ediblər.
