17 iyul 2013 12:21
Rəvan Sloveniya, Serbiya və Türkiyə klubları ilə qarşılaşacaq
Yeni mövsümə hazırlığını Sloveniyada davam etdirən "Rəvan”ın adıçəkilən ölkədə keçirəcəyi yoxlama oyunlarındakı rəqiblərinin adlarına aydınlıq gəlib. Azerisport.az xəbər verir ki, paytaxt klubu Mariborda ən azı 3 yoldaşlıq görüşü keçirəcək.
İlk oyun bu gün keçiriləcək. "Rəvan”ın ilk sparrinq-rəqibi yerli klublardan "Aluminiy” olacaq. Ötən mövsüm Sloveniya kubokunda yarımfinala yüksəlmiş Kidriçevo təmsilçisi ilə oyun yerli vaxtla saat 18:00-da başlayacaq.
Ardından iyulun 21-də Serbiya elitasının nümayəndəsi "Çukariçki” ilə matç olacaq. 3 gün sonra isə Türkiyə Superliqasının təmsilçisi "Karabükspor” rəqib qismində çıxış edəcək. Bu oyunlar da yerli vaxtla saat 18:00-da start götürəcək.
Onu da bildirək ki, “Rəvan”ın Mariborda daha 1 yoxlama matçı keçirmək ehtimalı var. Bu yöndə danışıqlar davam etdirilir. (klub saytı)
