18 iyul 2013 17:22
Fenerbahçe və Beşiktaşa şad xəbər: UEFA cəzanı ləğv etdi!
UEFA-nın iki il müddətinə avrokuboklardan uzaqlaşdırdığı Türkiyənin "Fenerbahçe", eləcə də bir illik cəzalandırılan “Beşiktaş” klubları sevindirici xəbər alıb. Azerisport.az xəbər verir ki, hər iki klub bu mövsüm avrokuboklarda çıxış edə biləcək.
Bu barədə İstanbul klublarının rəsmi saytları məlumat yayıb. Belə ki, Türkiyə klublarının bir neçə aydı apardığı mübarizə nəhayət sonda bəhrəsini verib və UEFA çıxardığı cəza qərarını ləğv edib.
Artıq UEFA da bu barədə rəsmi saytı vasitəsilə xəbər yayıb və məlumatı təsdiqləyib.
Qeyd edək ki, “Fenerbahçe” bu mövsüm Çempionlar Liqasında, “Beşiktaş” isə Avropa Liqasında iştirak etmək hüququna malikdi.
