20 iyul 2013 00:02
AZAL Tacikistan yığmasının üzvü ilə müqavilə bağlayır
Xəbər verdiyimiz kimi, AZAL Tacikistan yığmasının üzvü Sahib Savankulovu baxışa çağırmışdı. Azerisport.az xəbər verir ki, paytaxt klubu bu oyunçu ilə müqavilə imzalamağa hazırlaşır.
Bu barədə Tacikistan Futbol Federasiyasının mətbuat xidməti məlumat yayıb. Məlumatda bildirilir ki, “təyyarəçilər”in məşqçilər korpusu bu oyunçunu bəyənib. Tacik futbolçu yaxın günlərdə AZAL-la münasibətlərini tam rəsmiləşdirəcək.
Qeyd edək ki, bakılıların baş məşqçisi Vaqif Sadıqov onu bir neçə yoxlama matçında da sınaqdan keçirib, Savankulov hətta “Neftçala” ilə görüşdə qol da vurub.
24 yaşlı Sahib Savankulov 2006-2009-cu illərdə Tacikistanın “Vaxış” klubunun formasını geyinib. 2009-cu ildən isə Düşənbə “İstiqlal”ının uğurları üçün çalışıb. 2008-ci ildən milli komandaya çağırılan Sahib 31 oyunda 1 qol vurub. O, millinin heyətində 2008, 2010 və 2012 illərdə “AFC Challenge Cup”un qalibi olub.
