19 iyul 2013 12:12
Vaqif Cavadov: Bakıda daha yaxşı oynayıb, Tromseni keçəcəyik
“İnter”in kapitanı Vaqif Cavadov Avropa Liqasının ikinci təsnifat mərhələsi çərçivəsində Norveçin “Tromse” klubuna qarşı keçirilmiş ilk oyundan sonra fikirlərini açıqlayıb. Azerisport.az saytına müsahibəsində o, 0:2 hesabıyla uduzduqları görüşdən sonra bunları dilə gətirib:
“Biz rəqibdən tamamilə fərqli oyun gözləyirdik. Fikrimcə, biz ələ düşən qol vəziyyətlərini dəyərləndirə bilsəydik, onlar belə asanlıqla hücuma keçə bilməzdilər. “Tromse” yaxşı komandadı. Amma tamamilə keçiləsi rəqibdi. Qapıya üç zərbə vurdular, ikisi qol oldu. “İnter”in bu komandadan daha güclü olduğunu düşünürəm. Evdə daha yaxşı oynayacağıq. İki qolun əvəzini çıxmaq mümkündü”.
